جانا العيد

جانا العيد أهو جانا العيد انسى الحزن وروح لبعيد
جاى بيجدد لينا الفرحــة يخلِّى شموع الحب تقــيد
اقلع كل شجر أحـــزانك واسقى الحب ف كل قصيد
خليك زى الشمس تـنور تنشر خير فى كل صعـيــد
اصفح سامح كل النـاس امسح دمع معاه تنهــــــــيد
خليك زى الطفــل برئ يرن الضحكة بصوت تغريد

الناس محتاجة منك ضحكة مش محتاجة فلوس ورصيد
دا العيد جاى يمسح أحزانا ويرقق قلب معانا حديــــــــد
جدد ود لكل قرايبـــــــــك جارك أوعى تسيبه وحيــــــد
إياك تنسى زميل وصديق أو طفل يتيم فى هم شريــــــد
طفل يتيم محتاج لحنان مش بس الكسوة ولبس جديد
ومريض زوره خفف عنه ورد فى إيدك أمله يزيــــــــــد
افتح كل بيبان للفرحــــة رايح تلقى الحزن طريــــــــد
اقلع كل اللون الأســـود خلى الأبيض رمز أكيـــــــــــد
شيل تكشيرة من على وشك وارسم ضحك بوِّش سعيـد
افتح بيت الناس هتـــزورك وابعت هنـِّى فى كل بريــــد
جانا العيد أهو جانا العيد انسى الحزن وروح لبعيــد