فارس الأوهام

فارس الأحلام مين مش اللى هيخدك على الحصان دا اللى هيخليك تنسى الأحلام وتقولى على الحب دا أوهام وساعتها تقولى ياريت اللى جرى ماكان وياريتنى ارجع تانى زى زمان من غير فارس الأحلام وأعيش وأنا عارفة ان كلام عليه دا أوهام
هتقولى ازاى دا فى خيالى فارس همام هقولك مع عشان فى خيالك يبقى يا سلام
بس شوفى اللى زيك من البنات واللى كانت تحلم بالإنسان اللى هيعيشها عيشة تمام
ويعوضها على الآلالم وتنسى معاه كل الأنام
آه شوفتيهم ولسة نفسك تحلمى ماشى احلمى ما صحيح من حقك تحلمى بس استنى لما تلاقيه ابقى اسأليه هو أنت هتكون زى مابيقولوا سراب ولاهتكون حقيقى فارس الأحلام
و من غير ماتسالى استنى عليه لحد مايشوفك وقعت فيه هيبان بجد هو إيه
آه صحيح هتقولى ما كتير لاقوه هقولك طب كدة شاوريلى عليه أنا مش شايفة غير الإناث اللى بتقول بلاش يا بنات حلم الفرسان
أوعى تفتكرى كلامى معاكى دا تعقيد أو بقولك ان الأحلام صعبة التحقيق أنا بس بفهمك ان الحياة فيها الخيول من غير فرسان.
وان لاقيت فارس الأحلام فى تلك الأيام اعرفى انه فارس الأوهام لابجد بكلمك أنا بس نفسى أعرفك ان الشباب بيحبوا بس يضحكوا ووقت الجد بيهربوا
وان فى يوم مسكت فيه هتلاقيه بسرعة يقول على فكرة مش أنا اللى نفسك فيه انتى أحسن من كدة أنت عايزة أحسن منى ليكى حد يكون حنون وطيب ويملى الدنيا عليكى ولسة نفسك تحلمى ماشى احلمى ولما تلاقيه ابقى افتكرى كلامى ليكى و سلميلى عليه