ريسنا

ريسنا فـــــى كـــــــل الأحوال
عــــــايزينه فـــــى العدل مثال
ولا يبدأ حكمه بطـــــــــــوارئ
ولا يفرض حظر التجــــــــوال
عـــــــايزينه ميسور الحـــــال
مش عـــــــــاشق للجاه والمال
متربى وعـــــارف أيــه معنى العيشة
مــــن قرش حــــــلال
عـــــــايزينه صادق لو قـــــال
بيجاوب علــــــــــى أى سؤال
لو يوعد بـــــالوعد يـــــــوفى
وبيفهم وطويـــــــل البــــــــال عــــــايزينه عـــــــدو الإهمال
ولكل عقدنــــــا الحــــــــــلّال
وبياكـــــل م الفــــــرن بتاعنا وبيسمع ثـــــــومــــــه ومتقال عــــــــايــــــزينه سهل بيتشال
مش ريس كــــــل الأجيــــــال
وعشان فى الكرسى مايلزقشى
الكــــــرسى عــــــايزينه تيفال عــــــــايزينه فــى عيد العمال
مــــــايرددش نفس المــــــوال
مـــــــايطسش فى الآخر منحة ويــــــاخـــــــدها عويس البقال عـــــايزينه فــــى العتمة هلال
لعـــــروبته مخلص ميــــــــال
ويـــدافع عن حق إخـــــــواتنا
مش صاحب لشاؤول وشاحال
عـــــايــــزينه شريف السلسال
ولاعـــــايـــــــز ولاعنده عيال
ولا عيلته بـــــــالكـــــــامل فيها بالصدفة حــــــــــد اسمه جمال