11:49 ص
mohamed
الوداع وده قرارى بعد ماتعبت من القواله والاستماع
الوداع يا أرق أنثى حسيت معاها بحلاوة العمراللى ضاع
الوداع علشان بحبك بس مش قادر ع الخداع
يعنى إيه أكون بحبك وقلبى عايش فى صراع
يعنى إيه قلبك معايا وتكونى لغيرى متاع
دنا عشانك رضيت أكون سفينة من غير شراع
وعشانك رضيت أكون لحن من غير سماع
وعشانك حبيت كلمة لقا وكرهت كلمة وداع
وعشانك وهبتك مشاعرى بعد ماكانت مشاع
وعشانك سبت اللى اشترى والتمن كان الضياع
الوداع بعد ماخترتى اللى بايع وأمره بالنسبة لك مُطاع
عارف إن الأمر كله مش بإيدك ولاهو دلال ولا إمتناع
بس بتمنى تفهمينى وتعذرينى من غير تسرع واندفاع
حبك فى قلبى فوق حب البشر حيفضل دايما فى ارتفاع
حب من اختيار قلوبنا لا مصلحة فيه ولا انتفاع
يا ساكنة بعينى دمع ومسافرة بليلى ضياع
بتمنى قبل الفراق ضمة لقا وحتكون ضمة وداع
بس إوعدينى يكون فراقنا من غير دموع
من غير ألم من غير حتى كلمة وداع
0 التعليقات:
إرسال تعليق