أقرب منك ليكِ

ياه أشعر بأننى حزينة ومحبطة من كل شىء، ولكن لا أعلم لماذا؟؟ على الرغم أن حالى هو حالى أشعر بالملل، ولكن ما الحل لا أعلم ؟

أنا عندى فكرة إيه رأيك نفكر مع بعض، لأ لأنى لا أعرف لماذا يراودنى هذا الشعور، خلاص استغفرى ربنا وقولى يارب، ياه هو أنا بقول غيرها ولكن بجد تعبت، ماشى براحتك عندما تريدى أن تتكلمى فأنا موجودة إذا لم تريدى، فالصمت حلاً لكى بدلا من ازعاجى، إيه أنتِ ضايقتى منى ولا إيه، لا والله، ولكن إذا كنتِ لم تريدى أن تتحدثى عما بداخلك معى وأقولك سبب حزنك إيه تقولى لا أعرف خلاص كيف أقدم لكِ المساعدة وأنا لا أعرف ما بكِ، خلاص أنا هقولك أنا حاسة أنى مش لاقية نفسى فى حاجة أو بمعنى أصح أنا مش عارفة أنا عايزة إيه تعرفى أنت غير قادرة على فهمى وشكلك تعبتى منى، لا والله بس أنا عاجزة إن أفهم ما بكِ أنا عندى فكرة أكيد هتساعدك طب قوليها مستنية إيه.

إيه رأيك تذهبى إليه؟ لمين؟ اذهبى اتكلمى معاه وفضفضى هو الوحيد اللى هيفهمك احكيله واشيكيله عن حالك أنا مش عارفة بتكلمى عن مين؟

أنتِ مش عارفاه دا أقرب منك ليكى، مين بابا دا مسافر،، لا يا بنتى آه قصدك أخويا دا مكبر دماغه منى ولم يفكر يوم يسمعنى بجد تعبتنى يعنى أنتِ بتقولى إنك على طول بتقوليها ولما بقولك اذهبى إليه مش عارفة قصدى مين فكرى مع نفسك وردى عليا، ياه انتى كمان بتضايقنى ومش عايزة تقوليلى مين خلاص مش عايزة اعرف براحتك سلام.

لا استنى طب إيه رأيك لما أساعدك وأقولك حاجات عنه أكيد هتعرفيه، ماشى أقولى كل يوم بتكلمى عنه، مش عارفة، هو الوحيد أن قعدت عمرك كله تشكى وتفضضى عن ما بداخلك مش هيمل ولاهيقولك كفايا، آه دى طبعاً أمى.

لا يابنتى لسه مش عارفاه سبحان الله، طب قولى حاجات تانية، ماشى الوحيد اللى هيحل مشاكلك من غير مقابل، أكيد بابا بس قولتلك مسافر، ما أنا عرفت إنه مسافر أنتِ إزاى مش عارفاه بجد سبحان الله خلاص أنا تعبت وهقولك مين اللى يسمعلك من غير مايمل وإن فضلتى طول عمرك تشتكى مش هيمل بل هيساعدك وهيعينك وهيدلك على طريق الخير ومش هيستنى مقابل منك مين يقدر يعمل كل داه هو يعنى فى غيره ربنا فسواء أمكِ أو أبوكِ أو أخيكِ قد يفعلوا شيئا ويعجزوا عن أشياء أخرى، ولكن الله هو وحده القادر على كل شىءـ لأنه ليس كمثله شىء فى الأرض ولا فى السماء، ولكن أنا مستغربة منك قولتلك قولى يارب كان ردك عليا بانفعال وقلتى هو أنا بقول غيرها، ولما اقلتلك اذهبى إليه فضلت تسألى هو مين وفضلت أعيد وأزيد وأقولك سبحان الله ومازلت تسألى عنه أنا كان قصدى تروحى تصلى وتسجدى، لأن قد ورد فى الأثر أن: "أقرب ما يكون العبد من ربه وهو ساجد، فأكثروا الدعاء ".

وقربتلك المسافة وقولتلك هو أقرب منك ليكى ونسيت قول الله وتعالى: (وَنَحْنُ أَقْرَبُ إِلَيْهِ مِنْ حَبْلِ الْوَرِيد).

ِ فأردت أن أقولك ولله المثل الأعلى أنه من الممكن أن تجدى من تتحدثى معه ولكن قد لا يفهمك وقد تجدى من يفهمك، ولكن لا يستطيع أن يساعدك ولكن الله وحده يسمعك ويفهمك ويساعدك ويسعدك كما قال الله تعالى(وَإِذَا سَأَلَكَ عِبَادِى عَنِّى فَإِنِّى قَرِيبٌ أُجِيبُ دَعْوَةَ الدَّاعِ إِذَا دَعَانِ).