قلبى عاشق

قلبى عاشق مش جبان
بس علشانِك هاغيب

مهما أقرَّب مش هابان
مش هازودلك لهيب

قلبى كان بانى سدُّه
والطوفان جه يهدُّه
لسَّه واقف كلى ضدُّه
بمنتهى الشوق والحنان

اللى واصل بينّا حاسُّه
بس قلبى بيِعْلَى حِسُّه
لما جرحُه هوى يمِسُّه
غنوته تِمْلَى المكان

قلبى عاشق مش جبان
بس علشانِك هاغيب

مهما أقرَّب مش هابان
مش هازودلك لهيب

اعتصامى خلاص بافُضُّه
بعد ما وصَّلت ردُّه
واللى باقى فْـ قلبى وِدُّه
هاعيش عليه باقى الزمان

بس ما تحاسبيش جنونى
لما تشتاقلك عيونى
واتخنِق من وِِسْْع كونى
والْقَى رُوحِى فى الميدان
...
...
قلبى عاشق مش جبان