9:52 ص
mohamed
راكن ومركون ع المحطة
والمحطة حتى حاطة
تاندة من طول الانتظار
أتوبيس بدايرة أو بشرطة
لو جه ف معاده تبقى غلطة
أو حد جابله كارت واسطة
وساعتها بردو مش هتركب.. بفعل حالة الانبهار
سرير كبير أو حتى باسطة
لابس حرير أو حتى بافتة
تعبان عشان واقع فى ورطة
ترسم ابتسامة زايفة.. تحلم بأيام الهزار
عامل برم ولا واكل الأونطة
مستنيين لبعض ساقطة
حتى النصاب مستنى خبطة
يخلع بيها ع المطار
العقد داب وفصوصة فارطة
هتعيش لوحدك.. تبقى غلطة
اختار تكون فى أى خلطة
والسر دايما دار وجار
شايل همومك جوه شنطة
راكن ومركون ع المحطة
والمحطة حتى حاطة
تاندة من طول الانتظار
0 التعليقات:
إرسال تعليق